首頁 > 影視娛樂 > Monster Hunter – JM9? (劇透發洩文)

Monster Hunter – JM9? (劇透發洩文)

其實由宣佈拍真人版個刻,我已經無眼睇,家陣睇完之後,我想洗眼。

故事講述一個美軍小隊奉命找尋失蹤部隊卻被風暴捲到充滿魔物的異世界,女主角Artemis在危急之際與一名遇難獵人相遇。為了生存,二人必須合作找尋歸家路。

假如閣下從無接觸過任何一代Monster Hunter 遊戲,單純抱住睇動作片心態的話,呢部作品可謂交足功課,人類 vs 大怪獸兼動作連場,我幾位老外朋友都睇得幾開心,笑得幾興奮。

Monster Hunter

咁又的確,魔物造型又真係跟足設定還原返,先不論size 雄火龍身型又真係幾靚仔。

但what if你有玩過隻game?

作為粉絲如我真係睇到好吐血……

由無印開始玩既我深知不可強求芒亨有故事,有的都只係事件同任務。宜家強行將「穿越」同「異世界」元素強加在芒亨上係有d不倫不類。又,相同故事其實已經可以創作為原創作品,根本唔使用到芒亨個brand,「穿越到異世界打怪獸」可能仲好睇過宜家既「魔物獵人」。

然後導演編劇又精神錯亂,不斷強調狩獵武器有神奇力量,但最後打敗魔物既係槍砲炸彈,想點?

角色造型上跟返World既設定,但人物錯哂,大團長點會用武器,人地係赤手空拳架嘛,仲要個口識噴激光

我唯一可以讚既係神還原左Aibou,煩膠之餘手無寸鐵跳入戰場添亂,最後俾雄火條尾一野車鳩走左真係心都涼哂。

然後套戲突然之間就完左,打到一半咋喎大佬,「主角既戰鬥宜家先正式開始」,你認真? 字幕同你講我好認真咁出緊,然後出到一半有mid credit scene,想點呢? 想拍續集? 認真? 睇畢全片真係極度懷疑人生,到底套戲想點?

2/10

PS: 其中一個我入場既原因係想睇下MC Jin句對白係咪cut 左,原來佢本體只係個句對白,少左之後佢得返不過三句,同陳冠希於TDK既演出差不多,存在感等同零。

PS: 第二個入場原因係因為我愛米娜姐姐。

PS: 我真心想睇米娜姐姐同Tony Jaa打怪,而唔係睇佢兩個互打,仲要打足差唔多十五分鐘……跟住發展成奇怪既感情線…..Orz

電影簡介:

奇幻動作鉅獻《魔物獵人》(Monster Hunter),根據電玩公司Capcom史上最暢銷的電玩遊戲《魔物獵人:世界》改編成真人版,講述人類世界背後隱藏另一個由危險兇猛的魔物統治的世界。阿蒂米斯上尉(米娜祖華域芝 飾)及她帶領的部隊在行動中,被一場突如其來的沙塵暴捲進一個處處隱藏著兇殘魔物的神秘時空。面對即將被團滅的絕望之際,阿蒂米斯遇到一名神秘的魔物獵人(Tony Jaa 飾),並與其隸屬的獵人團隊在這蠻荒之地並肩作戰,擊退殘暴兇狠的超能魔物。

關於 Jacky.TalkComic

由電台跳到網台,由紙媒跳到電媒。電影,電視劇,動畫,遊戲,音樂,模型,Figure全修,吹水唔抹嘴的癲喪毒廢一名。

發表迴響

這個網站採用 Akismet 服務減少垃圾留言。進一步了解 Akismet 如何處理網站訪客的留言資料