講漫畫 集結華文地區的美國漫畫同好！
今日TC小隊就去左《幪面超人平成Generations Final Build & Ex-Aid with 傳說幪面超人》首映禮，以下就係筆者睇完之後嘅少少感受。
SPOILERS WARNING
劇情大綱：故事發生喺《幪面超人BUILD》的世界，一日竟然出現了《幪面超人EX-AID》世界的敵人怪人崩源體：為何不該出現在這的敵人會來到這世界？面對神祕敵人而毫無應對方法的戰兔，一個身體半邊被金屬覆蓋的神秘男人出現在他眼前。
自稱科學家的男人啟動了巨大的機器，上空竟出現了倒立的另一個世界。另一邊，EX-AID的世界也發生同樣的狀況。有天空之壁的世界正逐漸的墜落到 EX-AID的世界，距離兩個世界衝突碰撞的時間還剩下24小時。世界末日的倒數開始…！
面對前所未有的危機，能拯救人類的只有那群戰士。凌駕前作的規模，前所未見的動作場面，不該有交集的英雄們終於相遇。謎團重重的故事即將解開——
近年拉打劇場版嘅表現大家有目共睹啦，今次平成Generations Final嘅劇情係難得嘅正常發揮，雖然裏面都有一啲細bug，不過都唔太影響成個內容。不過今次奸角嘅計劃就令筆者一邊睇一邊諗起Marvel Universe前幾年嘅Incursion。
咁叫得Final，今次電影真係陣容鼎盛，新十年除左W, Wizard同Drive外，所有主拉打都黎齊。今次電影除左解釋Ex-Aid故事中Build客串同收集Ex-Aid成份嘅原因之外，亦都補完左其他拉打正傳之後嘅發展。今次電影另一個焦點就係喺龍我身上，電影發生喺Build正傳店長叛變，龍我成為Cross-Z之後不久。龍我仍然處於迷惘，未揾到成為拉打戰鬥嘅原因。透過同Ex-Aid、幾位傳說拉打嘅交流，龍我最後明白自己究竟為何而戰。(同時亦刷新Dragon Me連敗紀錄)
咁樣編排龍我嘅成長喺概念上係唔錯，只不過電影入面各位拉打都有唔同嘅戰鬥原因，而龍我最後嘅覺悟對比起黎更加只係得啖笑，有少少失望。而電影中都有唔少吐糟位，細嘅由大戰結束後究竟戰兔同Dragon Me點返去佢地嘅世界，到大嘅吐糟位例如永夢最終決戰嘅行為同佢作為一名醫生嘅矛盾。
片中都有一啲感動位，例如映司同Ankh嘅重遇。而黎斗神今次完全成為左搞笑擔當，首映時有佢出現嘅鏡頭就會笑聲不斷。今次電影嘅打鬥同特效都係近年拉打電影中嘅佳作，當然仲係有多幕特效打鬥同拉打無雙隻game差唔多，但都見到有好大嘅進步。結尾credit播出六名拉打正傳op嘅時候都令人有想重睇舊作嘅念頭。(Not you, Ghost)
如果大家想捉緊平成拉打嘅尾巴，可以入場睇下，本片香港正式上映日子為3月15日。
Hong Kong Trailer:
多年前Marvel都曾經出過一本Masked Rider One Shot。漫畫背景係根據Saban版本Masked Rider(即係美版Black RX)。
Saban版本入面，主角叫Dex Stewart，係Edenoi星嘅王子，Masked Rider係佢地皇族代代相傳嘅力量。而Dex就作為Masked Rider黎到地球對抗皇叔Count Dregon，守護人類。
而呢本漫畫故事非常簡單直接，Count Dregon同派出兩批怪獸襲擊Edenoi同地球，Masked Rider得到Ninja Rangers幫助，及時拯救兩個星球。
可惜嘅地方係後來Marvel失去Saban Power Rangers同Masked Rider嘅漫畫出版權，而自此之後亦都冇再出過任何嘅拉打美漫。
而近年Power Rangers漫畫就由BOOM! Studios出版，黎緊3月中後亦會推出大事件Shattered Grid，大家有興趣都可以留意一下。
