Breaking News
首頁 > 故事回顧 > [MARVEL]Secret Invasion主線 – 無間侵略

[MARVEL]Secret Invasion主線 – 無間侵略

如果你發現身邊熟悉嘅親人, 朋友俾其他人冒充, 你會點諗? 仲有邊個可以相信?



喺Civil War(), World War Hulk之後, 緊接著嘅係一個更兇險嘅大事件, 成個storyline叫Secret Invasion, 我會親住呢個假期, 同大家介紹下呢個cross-over, 但係, 因為故事內容相當長, 牽涉到嘅人物亦係有史以來最多, 所以盡我所能講講呢個人氣故事。

Secret Invasion呢個故事係發生喺World War Hulk之後, 2008年出版嘅大型事件, 故事大鋼係關於一個叫Skrull嘅外星種族, 講佢地點處心積累去對地球進行入侵, Skrull本身係出自神奇4俠嘅故事入面, 佢地係一啲綠色皮膚嘅外星人, 能夠改變身體, 模仿其他星球嘅高等生物, 從而進行混入成為對方一份子, 現代嘅Skrull本來係比較溫和, 會樂意去同其他星球進行公平交易及分享科技成果, 佢地喺宇宙已經有好長嘅歷史, 中間亦有過唔少權力變動, 不過本身同地球人並無大仇口, 佢地最大嘅宿敵其實係另一外星種族Kree…


Skrull首次登場要追溯到1962年出版嘅神奇4俠

Skrull同Kree兩個民族如何結怨, 喺度唔詳細講啦, 佢地幾千年嘅衝突, 喺漫畫入面被稱為Kree-Skrull War, 多年前復仇者曾經被捲入呢場戰爭入面, 而地球亦無辜受攻擊, 當呢場Kree-Skrull War暫告一段落, Iron Man回到地球後, 邀請左幾位英雄, 進行一個秘密會議…

Tony(即Iron Man)有感, 地球所面對嘅危險愈來愈多, 再有好似Kree-Skrull War呢種宇宙性危機的話, 超能人就變成重要嘅防線, 所以佢堅信如果各界嘅超能人可以互相交流情報, 類似Kree-Skrull War一類嘅危機, 就可避免發生, 於是乎, 佢暗中邀請左, Professor X(X教授), Mr. Fantastic(神奇先生), Dr. Strange(靈幻博士), Namor(海霸王), Black Bolt(黑雷), Black Panther(黑豹), 佢地7個人分別代表左唔同層面嘅超能人組織同族群, 包括有變種人, 神奇4俠, 月球民族Inhumans, 魔法師, 海底古文明Atlantis, 非洲Wakanda一族, Tony認為各界嘅領袖可以集合起嚟, 聯合成一個近似聯合國嘅組織, 交流消息情報, 統合其他超能人, 進行危機管理, 可惜, 佢呢個提議無法得到X教授等人嘅認同, 因為大家都認為, 每個人嘅想法好難一致, 而且一旦涉及情報的話, 亦好難肯定其他人是否同樣可信, 雖然大家都知對方係站喺正義一方, 但畢竟對對方嘅底蘊都係一知本解, 要實踐Tony口中嘅聯合組織, 幾乎無可能, 更何妨當中海霸王Namor與Mr. Fantastic仲有牙齒印, 所以X教授提出另一方案, 雖然無法統合所有人, 不過佢地7個人倒係可以暗中聯合起嚟, 有需要時, 交換佢地得到嘅情報, 甚至可以暗中處理, 防患未然, 大家聽完都好buy呢個方案, 只有黑豹例外, 佢深信, 呢種秘密行事方式, 最後一定會衰收尾, 仲會連累其他人…

黑豹拒絕加入, 但答應其餘6人, 可以當唔知佢地之間嘅協議, 就係咁, Iron Man, Professor X, Mr. Fantastic, Dr. Strange, Namor, Black Bolt等6個人成立秘密組織Illuminati(光明會), 協議條件係, 為左安全起見, 佢地幾個人唔可以將佢地呢個秘密組織話俾其他任何人知, 連再親嘅家人都唔可以…

 

往後時間, 每逢世界有新危機出現, 佢地6個人都會暗中會面, 除交換情報外, 佢地仲會有默契地配合對方行動, 更會喺大型戰役後, 秘密做善後, 執手尾等工作, 而有一次, 佢地更加決定, 以佢地6人之力暗中突襲Skrull帝國, 目的係對Skrull行下馬威, 警告Skrull唔好再攻擊地球, 如果唔係佢地唔會再客氣, 可惜, 佢地6個一齊”奶”嘢, 被Skrull生擒, Skrull對佢地6人嘅力量, 戰甲逐一研究, 後來好彩佢地都走得甩, 臨走仲還返個”回禮”俾追捕嘅Skrull士兵, 算係執返身彩, 但係亦同時激怒Skrull帝國, 令佢地誓要對地球人作出報復, 而Skrull帝國喺光明會6人嘅被俘虜時所做嘅紀錄, 亦成為日後侵略地球嘅皇牌殺著…

Illuminati_(Earth-616)_first_appearance_chronologically

光明會突襲Skrull帝國回到地球, 往後幾年, 佢地6人一齊經歷過好多事, 曾經因意見不合, 決裂過無數次, 而當Civil War過後, 佢地嘅協議再次受考驗, 而佢地亦唔再進行呢種秘密會議…

女忍者Maya, 又名Ronin/Echo
女忍者Maya, 又名Ronin/Echo


Civil War結束後, 一批拒絕向政府屈服嘅復仇者成員藏身喺Dr. Strange嘅一間古宅中, 佢地包括有Luke Cage, Iron Fist, Spider-man, Spider-woman, 狼人Wolverine, 連同復活嘅Hawkeye, 喺Dr. Strange協助底下, 不理政府通緝, 繼續行俠仗義, 有一次, 佢地得知女忍者Maya被犯罪組織The Hand俘虜, 決定到日本進行營救, Maya其實係之前受美國隊長及夜魔俠Daredevil所托, 到日本秘密監視The Hand嘅活動, 而The Hand當時嘅頭號領軍人物正係Daredevil嘅舊情人Elektra…


The Hand忍者軍團
The Hand忍者軍團



當一眾復仇者與The Hand嘅忍者軍團激戰時, Maya擺脫控制與Elektra進行生死戰, 雙方短兵相接, Maya手刃Elektra, 但係奇怪嘅事發生啦, 地上嘅”Elektra”屍體復原, 變為一個Skrull… 大家喺呢一刻都不知所措, The Hand嘅忍者軍團群龍無首, 亦立刻撤退, 剩返在場嘅復仇者以及Skrull冒充Elektra嘅屍體…



259395-49456-elektra


一眾復仇者帶走屍體, 喺回程途中, 大家都無講過一句說話, 因為大家都覺得好不安, 無錯, 眾所周知, Skrull可以改變自己模仿任何人, 但一直以嚟, 佢地嘅易容都無法避開其他超能人嘅觸覺, 但今次唔同, 呢個冒牌嘅Elektra, 竟然可以避過Dr. Strange嘅魔法, 蜘蛛俠嘅蜘蛛感應, 甚至狼人嘅靈敏觸覺都無法辨別真偽, 各人不其然諗到, 係唔係已經有Skrull大舉混入佢地當中? 或者身邊嘅隊友又係唔係真係佢本人? 無數疑問喺大家心中產生, Spider-woman更加認為, Skrull不單已經成功混入超能人或其他英雄當中, 更甚者, 有高度影響力嘅人, 可能已經俾人掉包, 佢指出Tony Stark喺近年反常嘅行為, 好可能佢因為嗰個Tony根本就係Skrull…

未命名

Spider-woman認為, 要試探Tony Stark好容易, 只要將假嘅Elektra屍體, 送去佢面前, 再睇佢之後有咩行動, 就可以猜出佢係唔係真身, 但係其他隊員唔同意咁做, 原因係, 未搞清楚成件事就魯莽做任何嘢, 只會令事態惡化, 可惜, 佢地幾個人無時間去討論, 因為佢地回程嘅機上, 不幸地遇到另一批復仇者戰鬥嘅力量波及, 做成飛機嚴重失控, 幾經辛苦, 勉強降落, 但混亂間, Spider-woman竟然搶走Skrull屍體, 狼人想阻止都嚟唔切…

Tony從Spider-woman得到Skrull屍體後, 漫無頭緒, 唔知下一步應該點做, 佢唯有再一次召集光明會成員, 希望可以通知大家事態嚴重, 同時可以相討有咩對策, 席間Tony告訴大家現時Skrull模仿術連佢嘅先進科技亦無法探測到真偽, 而且Tony更認為今次Skrull嘅侵略, 好可能係多年前光明會突襲Skrull帝國, 激怒Skrull所致……
正當Tony想向大家尋求意見之際, 黑雷Black Bolt突然開聲說話, 大家都嚇左一跳, 佢地一向知道Black Bolt從來唔說話, 因為佢嘅音波力量就算細細聲都足以驚天動地, 不過最驚人嘅係呢個”Black Bolt”竟然露出真面目, 原來佢都係Skrull!!! 假Black Bolt二話不說, 即時向其餘5人作音波攻擊, 接住再向海霸王Namor瘋狂攻擊, 因為佢知道5人當中, 以Namor力量最強, 實行先發制人, 不過Namor亦都唔係嘢少, 苦戰底下擊殺呢個冒牌Black Bolt, 當大家以為可以得到喘息之際, 另外兩個Skrull追兵原來一早埋伏喺附近, 呢個時候Dr. Strange用魔法將受傷嘅Professor X, Mr. Fantastic, Namor等人傳送到安全地方, 而Iron Man就喺臨走時炸死兩個Skrull士兵…

未命名

未命名
大家脫離險境之後, Professor X話俾其他4人知, 即使以佢嘅心靈感應, 亦都無法分別Skrull嘅模仿術, 呢句說話一出, 各人都心知再無人可以相信, Dr. Strange只係拋底一句永不再見, 大家就各散東西, 剩返Iron Man一個人同兩具Skrull屍體旁邊, Tony心諗, 以後究竟仲有邊個可以相信…

無助嘅Tony帶住假Black Bolt嘅屍體, 通知Inhumans嘅皇族, 即Black Bolt嘅皇后同妹妹, 話俾佢地聽, 真正嘅Black Bolt生死未卜, 而且既然Black Bolt已被假冒, 即係話Skrull已經成功入侵月球Inhumans帝國, 不過Tony現時已經泥菩薩過江, 自身難保…
另一具Skrull屍體, Tony就交左俾Mr. Fantastic同Hank Pym作研究, Hank Pym除左係一名優秀科學家, 佢亦同時係一位超級英雄, 外號Yellowjacket, 當時更任職政府Initiative, 負責管理及訓練自願向政府登記嘅超能人, Tony希望集兩位科學家之力可以破解到Skrull嘅模仿術, 呢個時候, 另一太空維和組織SWORD探測到有一架Skrull飛船正衝入地球軌道, 無幾耐, 飛船更墜落荒蕪之地Savage Land, 當時SWORD嘅其中一位揸fit人正係Dum Dum Dugan, (佢前身隸屬位神盾局, 亦係單眼佬Nick Fury嘅舊部), Dugan有見事態危急, 於是通知Tony, 當Tony收到訊息後, 立即離開研究所, 留下Mr. Fantastic同Hank Pym繼續埋頭苦幹…

未命名
Hank Pym

 

大家睇到呢度, 可能會問, 單眼佬Nick Fury去左邊? 呢段時間, Nick Fury可以話係正亡命天涯, 佢因事被神盾局革職, 而且仲被通緝, 不過原來佢之前都曾經俾Skrull間諜埋身,幸好洞悉Skrull嘅計劃, 一方面逃避追捕, 另一方面亦明查暗訪, 召集超能人新力軍, 組成Secret Warriors(), 希望大戰一旦爆發, 人類一方可以留有後著, 佢亦冒險潛入神盾局,將Skrull嘅入侵計劃通知現任神盾局局長Maria Hill, 不過Nick Fury始終棋差一著, 因為佢佈署Spider-woman做多重間諜去幫佢, 但有樣嘢佢一直都唔知, 原來Spider-woman一早已經被Skrull冒充……

未命名
Secret Warriors
未命名
Maria Hill






 

太空維和組織S.W.O.R.D探測到有一架Skrull嘅飛船正進入地球軌道衝入大氣層, S.W.O.R.D嘅指揮官Dugan馬上聯絡Tony, Tony接到情報後知道形勢緊急立即拋底手上工作離開剩底神奇先生同Hank Pym喺實驗室繼續研究如何拆解Skrull嘅模仿術
Tony回到自己率領嘅復仇者總部正準備外出召集所有隊員前往飛船墜落地點進行調查就喺呢個時候在場嘅Spider-woman暗中通知另一隊以Luke Cage為首嘅地下復仇者有關飛船墜落嘅事希望Luke Cage等人可以提先喺Tony之前快一步墜船現場… 由於要到墜船現場Savage Land, 非依靠大型載具不可,
於是, Luke Cage一行人借助另一超能人Cloak嘅瞬間轉移能力去到Tony嘅總部喺佢未返到嘅時候迅速制服留守嘅Black Widow (黑寡婦), 強行騎劫復仇者嘅專用噴射機一舉出發前往Savage Land…


有樣奇事不得不提就是Marvel故事中每次復仇者到Savage Land (蠻荒之境內有好多史前生物野生繁殖), 都例必會墜機收場今次Luke Cage都唔例外一進入Savage Land, 即時被野生恐龍狙擊噴射機被迫降落眾人一落機急不及待到Skrull飛船墜落嘅位置正當Luke Cage想打開飛船之門時, Tony以及佢嘅一隊復仇者亦都趕到, Tony想叫停Luke Cage都嚟唔切, Luke Cage發力一嘢打開飛船度門…… 與此同時飛船上一個訊號燈由紅轉綠啟動所有隱服地球嘅Sleeper Agents. (何謂Sleeper Agent? 佢地係一班為數唔少嘅Skrull卧底同其他以模仿術混入地球人當中嘅Skrull唔同佢地最大分別係被催眠成一路都唔知自己係Skrull, 直到正式大戰到達臨界點時先會被特定訊號喚醒所以話卧底最高境界係要做到連自己都唔知自己係卧底, -_-“)

373485-184864-dum-dum-dugan_super

無數Sleeper Agents被訊號喚醒當中有好多係意想不到S.W.O.R.D嘅指揮官Dugan, 原來佢都係其中一個Skrull, 佢意識一還原就馬上引爆S.W.O.R.D嘅太空要塞… 

未命名
那邊箱多年來一直替復仇者打理家居嘅管家Jarvis亦係其一員佢以Skrull嘅電腦病毒入侵Tony嘅戰甲系統喺連鎖反應下從而連接到全球衛星通訊再繼而奪取S.H.I.E.L.D神盾局空中要塞嘅控制權… 另一方面因全球嘅Stark通訊設備癱瘓令到所有高度設防監獄無一不中門大開各類超能罪犯不費吹灰之力就可逃脫… 禍不單行由歸順政府嘅綠魔Norman Osborn所率領嘅隊伍Thunderbolts以及神奇4俠嘅大本營,同樣遭受重創一時間世界大亂……
好嘞講返Savage Land一眾英雄當飛船之門開啟後走出嚟嘅竟然係一班大家當熟識甚至係同時在場嘅英雄包括衣著較舊外形較早期嘅Luke Cage, Spider-man, 狼人美國隊長雷神等等… 一時間各人腦中充滿問號究竟邊個先係真身邊個又係冒牌???

Henry_Pym_Skrull_Reveal

secret-invasion-blam2

skrullhankpymhelovesyou

最大鑊都唔係咁真係theis yet to come!  喺研究實驗室嘅神奇先生同Hank Pym正埋頭苦幹經過一番努力神奇先生終於破解到Skrull嘅模仿術正當佢想同Hank Pym分享成果之陣, Hank Pym突然取出Skrull嘅專用槍械向神奇先生作出一下重擊喺殺傷力強大嘅武器底下神奇先生雖然不死不過都俾人射到開花一地都係… 呢個時候先知原來Hank Pym一早已經俾Skrull掉包

又回到Savage Land呢個戰場眾人滿腦子疑問就算心知眼前一齊人和事只係擾亂視線但兩幫人馬仍然逃唔過大打出手嘅命運實行嚟個動手先動口一開戰, Sentry就被另一幫嘅Vision以心理戰術不戰而敗眾所周知, Sentry一向情緒不穩Vision三言兩話就發瘋一樣飛走同時原身為HawkeyeRonin, 再次駛出拿手看家箭術連放三箭痛擊疑似SkrullEmma Frost, Beast及美國隊長但呢個美國隊長竟然可以擋格到呢下無聲冷箭, Ronin霎時懷疑眼前從飛船走出嚟嘅呢班人會唔會係真身呢…?
marvel-secret-invasion
戰鬥途中一隻體型龐大嘅T-Rex恐龍突然亂入混亂中殺死兩個疑似英雄兩人嘅屍體立即還完為Skrull, 到呢一步大家幾可肯定飛船入面出嚟嘅英雄明顯都係SkrullSleeper Agents, 可能連佢地都唔知自己係A

此時各地出現大規模攻擊少年復仇者與另一隊異能少年Runaways於曼克頓死戰擁有多重超能力嘅Skrull, X-men鎮守三籓市綠魔率領嘅Thunderbolts就繼續於基地頑抗一時間戰雲密佈

未命名

2445

未命名

未命名

另一邊箱, Ms. Marvel拉起受傷嘅Tony離開戰場Savage Land一個廢置嘅工作室嘗試以有限資源重置戰甲, Tony拜託Ms. Marvel為佢飛回市區搜集需要嘅配備好等佢可以修復戰甲就喺呢個時候, Spider-Woman突然現身佢道出Tony其實都係一名Sleeper Agent?!

未命名

正當Tony疑幻疑真之際黑寡婦及狼人趕到真身為Skrull QueenSpider-Woman眼見擾敵成功就逃離現場黑寡婦上前扶起Tony, 你係Skrull又好唔係又好你一句答我你依家打算點做?” Tony答道, “頂你個肺就係我真係Skrull, 我都要隊林班仆街一齊陪葬!”

與此同時各地英雄都陸續加入市區嘅戰場先有Nick Fury嘅新力軍繼有雷神以及肩負新美國隊長之名嘅Bucky, 大家都到左市區於時代廣場一帶作出支援


2842396-secret_invasion__4___page_7


講到呢度大家可能都好擔心被生擒嘅神奇先生佢好好運S.W.O.R.D嘅另一頭目巧計救出Skrull太空船回地球後馬上用新儀器破解所有Skrull嘅模仿術敵我分明咁就唔同打法啦目標清晰好多最後大伙兒齊集中央公園展開了最後生死鬥……


未命名
老實講小弟寫到呢度基本上可以收筆因為結尾都是雙方激戰各有傷亡嘅局面當然地球英雄梗係贏左啦, 而好多之前被俘虜或假冒嘅英雄最後都被救出, 但就身心受創… 另外有樣較關鍵性嘅嘢要講綠魔Norman Osborn最後於媒體直播底下成功擊殺Skrull Queen, 此舉令佢成為大英雄及後更加取代Tony Stark成為新任維和組織話事人佢不單將神盾局改名為H.A.M.M.E.R, 更暗中拉攏Dr. Doom, Emma Frost等人埋堆成立秘密結社Cabal, 以穩固佢嘅勢力同其他犯罪勾當, 一個新嘅暗黑時期正式展開……

未命名

-完-

 

終於都介紹完Secret Invasion, 之前一直覺得有首歌好match個主題, 雖然首歌係廣東歌, 但同呢套cross-over好夾, (本人覺得, 不喜盡插 ), 尤其係頭兩句, “我要為我活下去, 也代你活下去…”

因為咁, 所以我用返晒5回入面轉貼過嘅盡, 加埋隻歌整左隻9唔搭8嘅MV,

請大家欣賞或硬食 

 

 

BY DON POON 2012-1-15

你可能感興趣:

關於 DONPOON

一個留言

  1. 介紹得好好,易睇又詳細!!!希望日後會多d

發表迴響