首頁 > 美漫評論 > [MARVEL]《Spider-verse》 時空「蛛」殺

[MARVEL]《Spider-verse》 時空「蛛」殺

所有圖片來源:自購漫畫中的cap圖

事隔3年,終於有另一以蜘蛛俠為主的大型跨刊故事《Spider-verse》。早於去年,現任蜘蛛俠系列編劇Dan Slott已於故事中作出一系列嘅鋪排,當中所牽涉到嘅人物角色早已各就各位,直到去年11月,劇情一開展便馬上帶讀者進入呢個醞釀多年嘅獵殺空間。
spiderverse 2

要介紹《Spider-verse》,有一些前設要稍作解釋,首先,喺過去3年間,其實蜘蛛俠呢個角色並不是一般人所認知嘅Peter Parker,其真正身份乃係Otto Octavius,對,正是故事中的八爪魚博士 (註:故事中講述Otto使計將兩人嘅腦電波互換)。感到奇怪吧?無錯,當日包括筆者在內,有好多讀者都感到錯愕,作者Dan Slott更加收到過死亡恐嚇,漫畫公司Marvel亦嘗試為Dan Slott辨護,勸導各界要尊重創作自由。 當然,大家其實都心知,這只不過係短期性的劇情噱頭,真正的Peter Parker始終會回歸,可是Dan Slott非但沒有安撫讀者及漫畫迷,還非常口賤地話,「Peter沒有離開,大家還可以在過去的舊書上看到他。」 此話一出,更加為事件火上加油,有人比喻他當時呢句說話,等於一個殺人犯對住死者家屬話,「你們還可以在照片上看到死者呀,不用難過。」 不過,點都好,最後真正嘅Peter仍然係find his way back,畢竟版權仍與其他相關產品有連帶關係,所以漫畫迷應該暫時可以放下心頭大石。

回說故事,有一個以吸食蜘蛛圖騰及生命力量為生(也可說是為樂)的族群Inheritors 繼承者們 (唔好誤會,唔係講緊韓劇),佢地不停到不同的平行空間,誅殺該時空中,擁有蜘蛛圖騰力量嘅人,其中一位繼承者叫Morlun,佢曾經兩度嘗試追殺主刊故事中的Peter Parker,但兩次均被Peter擊敗,但過去故事並沒有提到其實除了Morlun,其家族還有其他成員,而今次事件開端,係當Otto仍然冒認蜘蛛俠時,喺一次事件中進入左另一時空,後來當事件完結,佢打算返回本來時空之際,再誤進了另一時空,繼而發現該時空的蜘蛛俠已被人殘殺,好奇之下,以儀器追蹤能量踪蹟,發現繼承者誅殺有蜘蛛圖騰力量嘅人,當中有好多係各個平行空間嘅蜘蛛俠,Otto雖然自負,但亦明白到,以一己之力無可能對抗繼承者,遂展開平行時空之旅,召集每個空間,時間線上所出現過的蜘蛛俠。

整體故事大致上在上週已經完結,但有很多支節仍然可以延續,例如在同一時間線上的Otto與Peter何去何從,以及一大班死裡逃生嘅蜘蛛俠或有相似力量嘅人如何面對日後生活,這一切都有相當多的發揮空間。筆者覺得整個故事最有趣嘅,莫過於當中出現過的蜘蛛俠,由於Dan Slott本身十分喜歡玩味性嘅情節,佢不但將歷年出版過的蜘蛛角色一個個帶回故事入面,亦將一啲不見經傳或搞笑角色共冶一爐,其中一幕,更加有1978年日本特攝版嘅蜘蛛人登場,絕對令讀者大呼過癮。

spiderverse 3

故事結局如何,筆者喺度就唔多作透露了,其實呢種跨刊型式嘅故事,結局一般都比較草率,《Spider-verse》算是同類型中,比較精彩及有追看性。有一點要讚賞一下作者Dan Slott,佢將多個不同嘅蜘蛛人物放入故事,不單增加角色陣容嘅可觀性,而且因為Marvel多年來出版嘅刊物當中,有無數不同造型嘅蜘蛛俠角色出現過,當中接近9成對主刊故事係無太大影響,換句說話嚟講,Dan Slott亦可以趁此機會殺掉及去除多餘角色,劇情可以相對地大膽發揮,一石幾鳥,筆者不得寫個服字。

時刻受感情困擾嘅Peter,究竟之後會有咩發展呢?

首發於: http://style.vjmedia.com.hk/2015/03/02/2135

你可能感興趣:

關於 DONPOON

發表迴響